Имне спорт школ у верыш кусна

                  Республикысе «Имне спорт дене спорт школ» у пӧртыш кусна. Лишыл жапыште тудо «Чудо-кони» йоча имне-спорт комплекс кундемын имне-спорт базыштыже пашам ышташ тӱҥалеш. Кызыт тӧнеж спорт оборудованийым, имньызе- влакын экипировкыштым, 25 вуй имньылан ӱзгарым, турнир барьерым, ял озанлык техникым, препарат ден кургым шупшыкта. «Чудо-кони» имне-спорт базе Медведево районысо Кугу Шаплак ялысе кокымшо А пӧртыштӧ верланен. Тушто тренировкым, таҥасымашым эртараш мо кӱлеш- чыла уло: кум виш манеж, леведышан манеж. Манежын шартышыже Европо стандартлан келшен толеш. Имне- влаклан душ, солярий, кудалыштме корно, каналташ лекме вер уло. Спортсмен- влаклан унагудым, кочмыверым, вурегмым вашталтен чийыме верым, душевойым, актовый залым ыштыме. Ончыкыжым имне спорт дене кылым кучышо- влакым ешараш, сай квалификациян спортсмен- влакым ямдылыме качествым нӧлталаш, таҥасымаш, сбор, мастер-класс ден семинар- влакым эртараш шонат.
Фото: http://mari-el.gov.ru/