Йошкар-Олаште 6 кече жапыште икымше классыш налаш кок тӱжемат 900 утла йодмашым пуымо

                       Йошкар-Олаште 6 кече жапыште икымше классыш налаш  кок тӱжемат 900 утла йодмашым пуымо. 2021-ше 2022-шо тунемме ийлан оласе школ- влак ныл тӱжем наре йочам икымше классыш налаш шонат. Йодмашым икымше апрель гыч налаш тӱҥалме. Тудым школ кундемыште илыше да икымше классыш налме годым ончыл праван ача-ава- влак дечат погат. Нуно 30-шо июнь марте возалт кертыт. Ик школын директоржо тыге каласен: ача-ава- влаклан школыш налме  у радам шотышто тургыжланаш ок кӱл. Чыла правил раш да радамлен возалтын. Мемнан школышто талышымаш уке, документым график почеш кондат. Мемнан школышто первоклассник- влаклан 125 верым ышташ палемдыме але вич классым. Тымарте 61 йодмашым пуымо. Икымше классыш налме шотышто чыла кӱлешан уверым кажне школын сайтыштыже вераҥдыме. Кӱлеш годым школ директор деч умылтарымашым налаш лиеш.
Фото: infourok.ru