Вашке фонтан- влак чӱкталтыт

             Йошкар-Олаште фонтан- влакым чӱкташ ямдылат. «Водоканалын» специалистше- влак нуным шошо-кеҥеж жапыште пашам ышташ келыштарат. Теве Дева Мариян площадьыштыже «Архангел Гавриил» фонтан гыч вӱдым тулен лукмо, моло системыжым тергат, насосым, таймерым, светильникым, форсункым вераҥдат, петыртышыжым кораҥдат, чашым мушкын луктыт. Апрель мучко чыла фонтаным терген лектыт. Кокла шот дене Йошкар-Олаште май пайремлан фонтан- влак пашам ышташ тӱҥалыт. Кодшо ийын пандемийлан кӧра июньышто гына чӱктымӧ.
Фото: https://yocity12.com/