Энергетик- влак шахмат дене модыныт

                 Республикыштына энергетик- влаклан шахмат дене регион кӱкшытан кумшо онлайн-турнир лийын. Тудым Российысе электропрофсоюз мер ушем дене «Россети Центр и Приволжье Мариэнерго» филиалын профсоюз органиазцийже ямдыленыт. Таҥасымаш лӱмын ыштыме площадкыште эртен. Тушто тӱрлӧ район гыч лу шахматист-энергетик моштымашыжым ончыктен. Кажныже 9 модмашым эртарен. Тыршен модмаш деч вара Мариэнерго филиалын специалистше Павел Осипенко ший призёр лийын.  Икымше ден кумшо верым «ТНС Энерго Марий Эл» организацийын еҥышт сеҥен ныланыт.
Фото:  https://www.marpravda.ru/