Республикым вуйлатыше школышто пукшымо кочкышын качествыжым терген

                     Теҥгече Александр Евстифеев Йошкар-Оласе 19-ше номеран кыдалаш школышто лийын. Южо предметым келгынрак туныктымо школ негызеш йоча- влакын кечывал кочкышыштын качествыжым терген. Кочмыверым вуйлатыше Игорь Домрачевын мутшо почеш, шокшо кочкышым «Школьник» комбинат ямдыла. Тудак продуктым наледа да кажне кечын конден кода. Икмыняр ий ончыч столовыйышто олмыктымо пашам шуктымо, у технологий оборудованийым налме. Кажне кечын школысо тиде кочмыверыште икымше гыч 11-ше класс марте тунемше тӱжемт 400 йоча кечывал кочкышым ышта. Кажне кечын мыняр еҥ толмым да мыняр еҥ кочмым эскерена. Мутлан, теҥгече икымше гыч 4-ше класс марте 849 йоча кочкын. Нунылан чыла келша. Меню арнялан ышталтеш. Тушто порцийын кугытшо, акше, калорийностьшо ончыкталтеш, йоча, ача-ава- влак толын ончен кертыт. Икымше сентябрь гыч тӱҥалтыш класслаште тунемше- влак яра кочкыт, нунылан шокшо кочкыш 100 процентлан ситаралтеш. Йошкар-Оласе 28 школлан шокшо кочкышым «Школьник» ден «Заречный» комбинат- влак, «Прима» ушем ситарат. Кок гимназийыште -4-ше ден 14-шыште- кочмылан «Ладошки» карте дене тӱлымӧ системым пуртымо. Но кум школын пищеблокыштым пужен ышташ кӱлеш. Тидлан республикын бюджетыштыже тенийлан 75 миллион теҥгем, вес ийлан 62 миллионым палемдыме. А кочкышын качествыжым туныктыш министерстват, общественностят, ача- ава да школ шкеат тергат. Республикыште шокшо кочкыш дене пукшымо шотышто «шокшо телефон линий» пашам ышта, кугыжаныш полыш порталыште цифран вашкыл шотышто единый окна гоч обращений- влакым терген шогат.

Прошлые выпуски