Марий Элысе чодыраште мыняр кайык ден янлык улмым шотлен лектыныт

                Марий Элысе чодыраште мыняр кайык ден янлык улмым шотлен лектыныт. Иктешлымашым телымсе маршрут учет негызеш ыштыме. Тений сонар кумдык ден поснак оролымо кумдыкышто 9 тӱжем меҥге утла кужытан  956 маршрутым эртыме. Республикысе пӱртӱс поянлык министерствын ончыктымыж почеш, кодшо ийысе дене таҥастарымаште шордын, пурсак мераҥын, кӱдырын, музын, ирмузын чотышт ешаралтын. А теве ош мераҥ, луй, рывыж, шурмаҥше, ур, пире, йос, мландылуй, сузо, шагалрак лийыныт. Ушештарыман: кайык ден янлыкым, тӱҥ шотышто. кышаштым ончен шотлат. Тений лум шуко да келге 70-80 сантиметр кӱжгыт лийын. Сандене нуно теле гоч чот шуко коштын огытыл, кышаштат шагалрак кодын. Тыге нунын чотышт шагалрак шотлалтын, манын умылтарат министерствыште.