«Земский учитель» федерал программым умбакыже илышыш шыҥдарат
Тений республикыштына «Земский учитель» федерал программым умбакыже илышыш шыҥдарат. Тудын почеш яллашке да изи олалашке кугыжаныш да муниципал туныктымо организацийлаште пашаш кайыше туныктышо- влаклан ик гана ик миллион теҥге компенсацийым тӱлат. Тений мартыште тиде программыш вашталтышым пуртымо. Мутлан, туныктышын кызыт илыме верже деч пашаверым ойырен налме у верже марте 150 огыл, а шӱдӧ меҥге лийшаш. Компенсацийлан претендент- влакым ойырен налме кок у критерийым пуртымо. Кандидат- влакым аклыме годым 10 баллым шындаш нуно тиде критерийыш пурышаш улыт. Тиде: туныктышо пашаш кайышаш школын выпускникше улеш, тунктышо школ верланыме шочмо кундемышкыже кая гын 10 баллым шындат. Конкурсышко йодмашым регионысо оператор 15-ше апрель марте тыгай адрес дене налеш: Йошкар-Ола, Семёновка села, Интернат урем, 7-ше пӧрт, 313-шо пӧлем. Телефонжо: 72-82-42.
Фото: rv-ryazan.ru
Фото: rv-ryazan.ru