«Талукын экспортёржо» республикысе конкурсым иктешлыме

               Республикыштына «Талукын экспортёржо» республикысе конкурсым иктешлыме. Таҥасымашке сатум йот элыш колтымаште сай лектышыш шушо изи да кыдалаш бизнесын еҥышт ушненыт. Конкурсым инвестиций да экспортым вияҥдыме агентстве ямдылен. Сеҥыше- влакым 6 номинаций дене рашемденыт. Мутлан  «Промышленностьышто талукын экспортёржо» номинацийыште эн сайлан шӱй дене олтымо коҥга ден мангалым ыштен лукшо «Веста» предприятийым шотлымо, «Агропромышленный комплексыште талукын экспортёржо» лӱмым «Чай Руси» ушем налын, кӱкшӧ технологий аланыште тӱрлӧ веществам тергаш  автоматизированный хроматографым лукшо «Мета-Хром» фирмым шотлымо, Тыгак услуга аланыште программым ыштыше «Мега-Софт» ончыко лектын. «Талукын трейдержылан» «Росхолод-Импэксым», «Прорыв года» номинацийыште кӱртньӧ да пӧлем кокласе омсам лукшо «Гудвилл» предприятий ойыртемалтыныт. Республикысе конкурсышто сеҥыше- влак ынде округысо таҥасымаште пиалыштым терген кертыт.
Фото: zabbusiness.ru