Таче Йошкар-Олаште Руш кугу балерина Галина Уланова лӱмеш 19-ше фестиваль почылтеш

                     Таче Йошкар-Олаште Руш кугу балерина Галина Уланова лӱмеш 19-ше фестиваль почылтеш. Тудын унаже да участникше- влакым Марий Элым вуйлатыше Александр Евстифеев саламла. Тиде усталык пайрем сай лектыш дене 19 ше гана погына. Тиде жапыште тудо тӱнямбал кӱкшытан балет артист-влакымат, тӱналше шӱдыр- влакымат вашлийын. Нуно кызыт Российысе вӱдышӧ театр- влакын кугешнымашышт улыт. Марий балетат республикын поянлыкше улеш, куштымо сымыктыш школ сай кӱкшытыштӧ шотлалтеш. Галина Уланова лӱмеш тенийсе фестиваль эше кумдарак улеш: Большой, Мариинский, Михайловский  театр- влак, «Кремльысе балет» балет театр да Станиславский ден Немирович-Данченко лӱмеш Москосо музыкальный театрын шӱдырышт Эрик Сапаев лӱмеш опера да балет марий кугыжаныш академический театрын сценыштыже йолгаш тӱҥалыт. Фестивальым «Анюта» балетын премьерыже почеш. Тудым СССР-ын калык артистше Владимир Васильев шынден. 30 ий утла тудо Большой театрын сценыштыже ончыкталтеш. Теве ынде тиде лӱмлӧ балет марий театрын сценыштыже калыкым куандара. Фестиваль кышкарыштак «Балет сымыктышым вияҥдымаште Марий элысе тӱвыра йӱла- влак» конференций эрта. Тушто вӱдышӧ театровед, критик да балет сымыктышын деятельже- влак участвоватлат. Чылалан усталык сеҥымашым, пеледмашым да мастарлык шӱлышым, а балетым йӧратыше- влаклан куштымаш сымыктыш дене вашлийме деч мондалтдыме кумылым тыланем.- ойлалтеш республикым вуйлатышын саламлымашыштыже.