Таче- Космонавтикын кечыже
Таче- Космонавтикын кечыже.
Таче уло тӱня айдеме тукымын историйыштыже пале датым палемда. Поснак тудо шерге Российысе калыклан. Лач 60 ий ончыч «Байконур» космодром гыч айдемым шындыман икымше космический корабль сандалыкыш чоҥештен кӱзен. Йошкар-Олаште Совет Ушемын Геройжо Юрий Гагагринын чапкӱ-бюстшо воктеке таче пеледыш аршашым пыштыме. Лётчик –космонавтым шарналташ Йошкар-Ола округым вуйлатыше, депутат- влак погынымашым вуйлатышын сомылжым шуктышо Виктор Кузнецов, Марий Эл Кугыжаныш Погынын депутатше, «Лукоз» агрокомплексым вуйлатыше Владимр Кожанов, ДОСААФ марий пӧлкам вуйлатыше Вячеслав Тихонов, ола администрацийын еҥже, верысе калык миеныт.
Юрий Гагаринын сандалыкыш чоҥештымыжлан 60 ийым пайремлыме вашеш 5-ше гыч 12-шо апрель марте Российысе чыла кундемыште мероприятий- влак эртат. Марий Элысе тунемме тӧнежлаште класс шагат, виш урок, конкурс- влак эртаралтыт. Кодшо кечылаште «Он сказал: Поехали!» Россий кӱкшытан виш урокышто лийыныт. «Марий Элыште кугу перемена» конкурсыш ушнышо- влак «Привет в невесомость» челленджыште участвоватленыт, российысе космонавт- влаклан МКС-ыш видеообращенийым возеныт, Космонавтикын кечыж дене космический отрасльын чыла пашаеҥжым саламленыт. Иктешлыше ролик таче «Кугу перемена» сообществште савыкталтын да космонавт- влаклан орбитыш колталтеш. Ик эн тӱшка мероприятийлан теҥгече онлайн-формат дене возымо россий кӱкшытан космический диктант лийын. Тудын тӱҥ площадкышкыже ВДНХ-се «Космонавтике ден авиаций» рӱдер савырнен. Тушеч вияш трансляций ончыкталтын.
Фото: school73.tgl.net.ru
Таче уло тӱня айдеме тукымын историйыштыже пале датым палемда. Поснак тудо шерге Российысе калыклан. Лач 60 ий ончыч «Байконур» космодром гыч айдемым шындыман икымше космический корабль сандалыкыш чоҥештен кӱзен. Йошкар-Олаште Совет Ушемын Геройжо Юрий Гагагринын чапкӱ-бюстшо воктеке таче пеледыш аршашым пыштыме. Лётчик –космонавтым шарналташ Йошкар-Ола округым вуйлатыше, депутат- влак погынымашым вуйлатышын сомылжым шуктышо Виктор Кузнецов, Марий Эл Кугыжаныш Погынын депутатше, «Лукоз» агрокомплексым вуйлатыше Владимр Кожанов, ДОСААФ марий пӧлкам вуйлатыше Вячеслав Тихонов, ола администрацийын еҥже, верысе калык миеныт.
Юрий Гагаринын сандалыкыш чоҥештымыжлан 60 ийым пайремлыме вашеш 5-ше гыч 12-шо апрель марте Российысе чыла кундемыште мероприятий- влак эртат. Марий Элысе тунемме тӧнежлаште класс шагат, виш урок, конкурс- влак эртаралтыт. Кодшо кечылаште «Он сказал: Поехали!» Россий кӱкшытан виш урокышто лийыныт. «Марий Элыште кугу перемена» конкурсыш ушнышо- влак «Привет в невесомость» челленджыште участвоватленыт, российысе космонавт- влаклан МКС-ыш видеообращенийым возеныт, Космонавтикын кечыж дене космический отрасльын чыла пашаеҥжым саламленыт. Иктешлыше ролик таче «Кугу перемена» сообществште савыкталтын да космонавт- влаклан орбитыш колталтеш. Ик эн тӱшка мероприятийлан теҥгече онлайн-формат дене возымо россий кӱкшытан космический диктант лийын. Тудын тӱҥ площадкышкыже ВДНХ-се «Космонавтике ден авиаций» рӱдер савырнен. Тушеч вияш трансляций ончыкталтын.
Фото: school73.tgl.net.ru