Шернур районышто шымше гана «Йыван Кырла лудмаш» шанче-практик конференций эртыш

                  Кодшо кугарнян Шернур районышто шымше гана «Йыван Кырла лудмаш» шанче-практик конференций эртыш. Тудо Марий Эллан да Шернур районлан 100 ий теммылан пӧлеклалтын. Мероприятийын участникше- влак актер ден поэтын шочмо кундемыштыже лийыныт, шарнымашан кӱ да бюстшо воктеке пеледыш аршашым пыштеныт. Марий Солаште Йыван Кырла лӱмеш сылнымут да краеведений тоштерыш миеныт. Погынышо- влакым Шернур районым вуйлатыше, Правительствын, тӱвыра министерствын, Марий мер каҥашын еҥышт саламленыт.  Тематик секцийлаште марий кундемын историйже, йылме да тӱвырам вияҥдыме, писатель да поэт- влакын усталыкышт дене кылдалтше доклад- влак йоҥгеныт.
Фото:  http://mari-el.gov.ru/