ГИБДД виктемын у вуйлатышыже
Марий Элысе ГИБДД виктемын личный составшым у вуйлатыше дене палдарыме. Республикын эл кӧргӧ паша министрже, полицийын генерал- майоржо Сергей Волчков Республикысе Кугыжаныш автоинспекцийым вуйлатыше у еҥ дене палымым ыштен. Россий МВД-н приказше дене тиде должностьыш полицийын полковникше Юрий Есиповым пеҥгыдемдыме. Юрий Станиславович кугыжаныш автоинспекций подразделенийлаште 25 ий служитла. Тудо шке пашажым Йошкар-Оласе ДПС батальонын кугурак инспекторжо должность гыч тӱҥалын да эре тыштак служитлен. Ушештарена: ончычсо вуйлатышыже Андрей Фарафоновым кодшо ийын октябрьыште Курск областьысе УГИБДД начальниклан кусарыме.
Фото: https://www.marpravda.ru/
Фото: https://www.marpravda.ru/