Игорь Комаровын алмаштышыже ден полышкалышыже регионым виктарыме рӱдерыш миеныт
Игорь Комаровын республикыш толмо кышкарыште Марий Элыште Полномочный представительын алмаштышыже Игорь Буренков ден полышкалышыже Алексей Симонов лийыныт. Нуно регионым виктарыме рӱдерыш миеныт. Рӱдер кодшо ийын 6-шо ноябрьыште почылтын. Тудо калыкын тӱрлӧ йодыш дене кылдалтше обращенийжым писын виктарен колташ ышталтын. ЦУР-ым вуйлатыше Виктор Тихоновын мутшо почеш, тенийсе икымше кварталыште кум тӱжем утла йодыш дене пашам ыштыме. Тӱҥ йодыш- влак корным олмыктымо, кундемлам тӱзландарыме, ЖКХ, социал обслуживаний да тазалыкаралтыш дене кылдалтыныт. Мутлан, рӱдер оласе маршруткылаште карте дене тӱлымӧ йодышым виктарен колташ полшен. Лишыл эжапыште ЦУР пӱсын шогышо йодыш- влак почеш кучем органан еҥышт дене вияш эфир- влакым эртараш ямдылалтеш.