МЧС тунеммашым эртара

                Россий МЧС-ын Марий Элысе вийжым утларак ямде улмо режмыш кусарыме. Утарыше- влак командно-штабной тунеммашым эртарат. Толын шушо вӱдшор да тул пижмаш Российысе МЧС службылаште тунеммашлан амалым ыштеныт. Марий Элат ӧрдыжеш кодын огыл. Тунеммашын икымше йыжыҥже эртен. Тушто вучыдымо ситуаций лийме годым виктарыше органын, утарыше- влакын да техникын ямде улмыжым ончат, илем- влакым, социал инфраструктурым тул деч аралыме йӧным рашемдат. Специалист- влакын мутышт почеш, вӱдшорлан кӧра вучыдымо ситуаций лийшаш огыл. Йошкар-Олаште Йошкар Армий слобода, Ширяйково, олан йӱдвел ужашышкыже вӱд шарлен кертеш. Трук чот шокшемда да шукырак йӱр йӱреш гын, вӱд ешаралт кертеш. Сандене верысе калыклан тӱткӧ лийман. Утарыше- влак тиде кечылаште тунеммашын практик йыжыҥжым эртарат.
Фото: https://www.marimedia.ru/