«КЭС-бАСКЕТ» школ баскетбол лигын регионысо финалже лиеш

                «КЭС-бАСКЕТ» школ баскетбол лигын Чемпионатше лиеш. Тудым эртарымым кужун вученыт. 2020-шо- 2021-ше тургым варарак тӱҥалын, но тидлан кӧра тудо шке оҥайлыкшым йомдарен огыл. Муниципал образований- влакын школьникыштын сборный  командышт шке моштымашыштым ончыктеныт. Тургымышто 15 муниципал образованийын командыже таҥасен. Ынде ончыл команде- влакым рашемдаш кодын. Регионысо Чемпионатын финалже 24-ше апрельыште Йошкар-Оласе икымше номеран ФОК-ышто 11 шагатлан тӱҥалеш. Эн сай команде лӱм верч Йошкар-Ола ден Волжскын, Шернур да Советский районлан рвезе- влак командышт да Йошкар-Ола ден Волжскын, Куженер ден Оршанке районлан ӱдыр- влак командышт ӱчашаш тӱҥалыт. Сеҥыше команде- влак округысо чемпионатын финалышкыже Ульяновск олаште 3-7-ше майыште модаш тӱҥалыт да Суперфиналыш лекшаш да тӱҥ приз верч кучедалыт.
Фото: yandex.ru

Прошлые выпуски