«Тарханово» паркым тӱзландараш 29 эл гыч эскиз концепций пурен

                      Йошкар-Оласе «Тарханово» паркым тӱзландарыме концепцийым тӱнямбалсе 29 элыште ямдыленыт. Шушаш изарнян тӱнямбал конкурсын лектышыжым увертарат. Тушко ушнашлан йодмашым тӱнямбалсе 29 эл пуэн. Тиде конкурсым 2020-шо ийын октябрь мучашыште увертарыме ыле. Заказчикше «Сестрица» йӱшаш вӱдым лукшо «Таза илыш» Компаний» лийын. Призовой фондшо- ик миллион теҥге. Участник- влак 12 гектар утла кумдыкым айлыше паркым тӱзландарыме эскиз концепцийым ыштышаш улыт ыле. 29 кугыжаныш гыч 184 йодмаш пурен. Россий гыч 129, Китай гыч 8, Индий гыч 5, Кыргызстан гыч 4, США гыч 4, Австралий гыч 2, моло вер гыч ик йодмаш дене пурен. Тыге конкурсыш 87 проектым налме, тушечын 80 проектше тӱҥ конкурс программыште участвоватла. Конкурс проект- влакын савыктыме версийышт мер-политик рӱдерыште выставкыште ончыкталтеш. Тудо 15-ше гыч 20-шо апрель марте пашам ышта.