Ныл йоча сад чолган чоҥалтеш
Медведево посёлкышто чоҥалтше йоча сад 50 утла процентлан ямде. Республикыштына йоча сад- влакым чолган чоҥат. Лишыл жапыште йоча- влаклан 575 у вер лийшаш. Тений ныл йоча садым чоҥен шуктышаш улыт. Тидлан кӧра 3 гыч 7 ияш марте йоча- влаклан гына огыл, кум ияш марте ньога- влакланат вер лектеш. Йошкар-Оласе Мирный микрорайонышто йоча садым 37 процентлан чоҥымо. Тушто 320 вер лийшаш. Медведево посёлкышто 100 верлан садик 50 процентлан ямде. Эше кок садым Рэмыште- 100 верлан да Нурма селаште 55 верлан чоҥат. Тидын нерген туныктыш министерстве увертара.