Чапланыше космонавт- влакын лӱмыштым нумалше урем- влакым ачалат
Республикыштына чапланыше космонавт- влакын лӱмыштым нумалше урем- влакым олмыктат. Теве Медведево посёлкысо Гагарин уремым кокдшо ийын ачалыме ыле. Тудо шукертсек олмыктымым вучен. Молан манаш гын, посёлкын промышленный ужашыштыже верланен, тушто кугу да неле машина- влак кудалыштыт. Кужытшо пел меҥге наре погына. А Оршанке посёлкысо Гагарин уремым тений олмыкташ шонат. Тиде уремат пеш кӱлешан. Тушто Глушков лӱмеш шуко профилян колледж да кыдалаш школ верланеныт. Кужытшо ик меҥгат 200 утла метр. Тений тыгак Медведево посёлкысо Терешкова лӱмеш уремым олмыктат. Тиде тӱн транспорт корно, тыгак «Аксаматово» кӱртньӧ корно станций деке наҥгая. Тудын кужытшо 600 метр. А теве Йошкар-Оласе Гагарин проспектым корно пашаеҥ- влак 2022-шо ийыште олмыкташ шонат. Тудын кужытшо ик меҥге утла погына.