Волжскышто вӱдым эрыктыме шотышто кугу проект шыҥдаралтшаш

                      Волжскышто вӱдым эрыктыме шотышто кугу проект шыҥдаралтшаш. Тений тушто оласе вӱдым ситарыме системым уэмдыме паша тӱҥалеш. Олмыктымо пашалан 330 миллион теҥге ойыралтеш. Уэмдымаш республикым вияҥдыме программе кышкарыште лиеш. Тенияк «Машиностроитель» микрорайонышто верланыше Вӱдыштӧ кӱртньӧ составым шагалемдыме станцийым пужен ышташ тӱҥалыт. Тидыже олалан йӱштӧ вӱдым тӱрыс ситарыше Александровский вӱдзаборым чоҥымо кугу проектын икымше йыжыҥже лиеш. Кокымшо йыжыҥыште Александровка ял воктене скважиным буритлаш тӱҥалыт. Проектым 2024-ше ий марте шындарен шуктышаш улыт.