Волжский район кундемыште кугу инвестиций проект шыҥдаралтеш

          Волжский район кундемыште кугу инвестиций проект шыҥдаралтеш. Марий Элым вуйлатышын пашажым шуктышо Юрий Зайцев Приволжский посёлкыш миен. Кызыт тушто «Акашевский» сурт-кайык фабрикын комбикорма заводшым пужен ыштыме инвестиций проект шыҥдаралтеш. Проектын акше 769 миллион теҥге. Эксплуатацийыш тудым тений кумшо кварталыште колтышаш улыт. Юрий Зайцев лабораторийым, производство корпусым да операторскийым ончен лектын, вуйлатыше да пашаеҥ- влак дене мутланен. Фабрикын исполнительный директоржо Денис Гузевын ойлымыжо почеш тений эше кок миллиардат вичшӱдӧ миллион теҥгеаш инвестиций проект шыҥдаралташ тӱҥалеш. Карай ялыште талукышто  28 миллион утла штук мунылан репродукторым чоҥаш шонат. Проектым 2024-ше ийын икымше кварталыште ыштен шукташ тыршат. Тыге инкубацийлык муным фабрикыште 160 миллионым налаш тӱҥалыт. Тиддеч посна проект ешартыш 130 у пашаверым пуа. Тыгай инвестиций проект- влак республикылан моткоч кӱлешан улыт,- каласен Юрий Зайцев.
             Фото: Марий Элым вуйлатышын организаций да аналитик виктемже.