Оршанке районышто вӱдаралтышым 54 миллион теҥгелан эрыктат.

            Оршанке районышто вӱдаралтышым 54 миллион теҥгелан эрыктат. «Изи Кугунур ял воктене Ошла эҥерысе вӱдаралтышын пундашыжым эрыктымаш» проект да смете документацийым ямдылен шуктымо. Экспертизе сай заключенийым пуэн. Ушештарена: Марий Эл «Экологий» калыкле проектын «Ойыртемалтше вӱд объект- влакым арален кодымаш» федерал проектшым шыҥарымаште участвоватла. Тиде ойыртемалтше вӱд объект республикыште ик эн кугу вӱдаралтышлан шотлалтеш. Пундашыжым 2023-шо 2024-ше ийлаште эрыкташ палемдыме Проектын тичмаш акше 54 миллион теҥгеш шуэш. Шушаш ийын 21 миллион утлажым, 24-ше ийыште 32 миллион утлажым ойырат. Эрыктышаш кумдык 186 тӱжем квадрат метрыш погына, Тушечын 75 тӱжем кубометр йошкыным эрыктен лукшаш улыт.
          Фото: Пӱртӱс поянлык министерствын пресс-службыжо.