Республикыштына калыклан правовой полышым пуымо шотышто приёмым эртарыме арня тӱналын

            Республикыштына калыклан правовой полышым пуымо шотышто приёмым эртарыме арня тӱналын. Теҥгече Арня кышкарыште Дмитий Медведевын мер приёмныйыштыжо калыклан приёмым эртарыме. Тушто «Республикысе профсоюз организаций- влакын ушемыштым» вуйлатыше Александр Майоров, «Российысе инвалид- влак ушемын» марий пӧлкажым вуйлатыше Наталья Богомолова, айдемын праваже шотышто уполномоченныйын аппаратшын еҥже Тимур Валеев участвоватленыт. Калык тӱрлӧ йодыш дене толын. Нуно правам аралыше орган, опека да попечительство орган- влакын пашашт дене келшыдымаш, медицина полышым пуымаш, инвалид- влаклан реабилитацийлан технический йӧным пуымо, пого шотышто ӱчашымаш дене кылдалтыныт. Чыла йодыш денат умылтарымашым пуымо, правам аралашлан умбакыже мом ышташ темлыме, эше ик обращений дене пашам шуйымо лиеш.