Марий Элын сборный командыже Россий кӱкшытан кеҥежымсе ялысе спорт модмашын финалыштыже икымше вер верч кучедалеш

          Марий Элын сборный командыже 26-шо гыч 31-ше июль марте Россий кӱкшытан кеҥежымсе ялысе спорт модмашын финалыштыже икымше вер верч кучедалеш. Таҥасымаш Омск олаште эрта. Республикын сборныйжым Советский, Медведево, Куженер да Килемар районлан эн уста еҥышт гыч чумырымо. Нуно регионысо йыжыҥыште ойыртемалтыныт. Турнирыште икмыняр дисциплине лиеш: спорт еш- влакын, механизатор, ушкалым лӱштышӧ, шудым солышо- влакын таҥасымашышт, полиатлон, волейбол да мини- лапта дене модмаш. Марий Эл кудымшо группышто таҥаса. Тушко 250 тӱжем деч шагалрак еҥ илыман кундем- влакын командыштым чумырымо.
          Фото: Спорт-туризм министерстве, МедиаПоток.