Республикыште капитально олмыктымо деч вара 6 школым икымше сентябрьлан почаш шонат

             Республикыште капитально олмыктымо деч вара 6 школым икымше сентябрьлан почаш шонат. Российын просвещений министрже Сергей Кравцов Марий Элым вуйлатышын пашажым шуктышо Юрий Зайцев дене вашлийын. Нуно республикыште туныктымо пашан вияҥмыжым, «Туныктыш» калыкле проектым шыҥдарымашым каҥашеныт. Юрий Зайцев палемден: республикыште куд школышто капитально олмыктымо паша чолган шукталтеш, вес ийын эше 13 школым тыгай вашталтыш вуча. У тунемме ий тӱҥалтышлан 22 «Точка роста» тунемме рӱдер, «Ай-Ти клуб» цифран туныктыш рӱдер, йоча- влаклан ешартыш шинчымашым пуымо тӱжемат пеле вер, кызытсе жаплан келшыше 11 мастерской, ялласе ныл школышто спорт залым капитально олмыкталтеш. Тений калыкле проект кышкарыште 200 у тунемме объектым да ешартыш шинчымашым налаш кум тӱжем вер почылтын. Тидын годым Сергей Кравцов туныктыш аланлан тӱткышым ойырымылан тауштен да ончыкылыкан направлений дене чолганрак пашам ышташ темлен. Тиддеч посна у тунемме объект- влакым да регионысо инфраструктурым вияҥдыме йодыш- влакым каҥашеныт.
             Фото: Марий Элым вуйлатышын организаций да аналитик виктемже.