Звенигово оласе тӧнеж- влакын пашаеҥышт уремым эрыкташ лектыныт

             Звенигово районышто рӱдӧ бульварым эрыктыме, шудым солымо, шӱк-куштырам поген наҥгайыме, пеледыш-влакым сомылымо мероприятий- влак эртеныт. Шке тӱҥ пашам жаплан коден, районысо депутат- влак погынымашын коллективше ден вуйлатышыже- влак, верысе политсоветын еҥже-шамыч, район да ола администрацийын пашаеҥже, тӱвыра да каныш рӱдерын, книгагудын, тӱвыра да туныктыш пӧлкан, краеведений тоштерын коллективше- влак кумдыкым эрыкташ лектыныт. Но район администрацийын вийже дене гына арулыкым ышташ ок лий, еҥ- влакын инициативышт кӱлеш. Ӱшаныме шуэш: тыгай мероприятий- влак чодыра воктене, ер ден эҥер серлаште канаш йӧратыше- влаклан арулык нерген шижтарымаш лиеш. Районысо кажне еҥ шке кундемыштыже эрыкташ лекшаш да вараже тудым эскерен шогышаш, - каласен партийын верысе пӧлкажын секретарьже Наталия Лабутина.
              Фото: «Единый Россий».