Руш Кукмор ялыште кеҥеж мучашлан тӱвыра рӱдер ямде лийшаш

           Медведево районышто кеҥеж мучашлан тӱвыра рӱдерым капитально олмыктен шуктышаш улыт. «Культура» калыкле проект почеш Руш Кукмор ялыште тӱвыра рӱдерым капитально олымктымо паша 31-ше август марте мучашлалтшаш. Подряд органиазций кызыт ончымо залым, фойем, кружок- влакым эртарыме пӧлемлам да моло верлам олмыктат. Тиддеч посна пожар вӱд пуч, йӱштӧ вӱд толмо пуч, канализаций, ырыктыме системым вашталтат. Олмыктымо паша мучашлалтмеке зданийыште тӱвыра рӱдер, книгагудо, йоча сымыктыш школ пашам ышташ тӱҥалыт. Кок тӱжем наре верысе калыклан олмыктымо деч вара пуымо полыш эшеат саемеш. 2019-ше ий годсек «Тӱвыра» калыкле проект почеш республикысе яллаште 10 тӱвыра да каныме рӱдерым олмыктымо. Тений тиде пашалан 39 миллион утла теҥгем ойырымо.
                Фото: Тӱвыра министерстве.