Юрий Зайцев школлам концессий ойпидыш почеш чоҥымо пашам кӱлеш семын ончаш кӱштен

             Юрий Зайцев школлам концессий ойпидыш почеш чоҥымо пашам кӱлеш семын ончаш кӱштен. Тиде йӧн дене кызыт кок тунемме тӧнеж нӧлталтеш- Килемар районысо Кугу Памъялыште 80 верлан да Йошкар-Оласе «Юбилейный» микрорайонышто 825 верлан «Канде кайык» гимназий. Объект- влакым тений июль мучашлан чоҥен пытарышаш улыт ыле, но концессионер- влакын юватылмыштлан кӧра жапым кӱрлмо да пашам мучашлыме огыл. Чоҥымаш министр Михаил Степанов увертарен: республикын Правительствыже жапым эскерыме шотышто икмыняр совещанийым эртарен. Концессионер- влак лӱмеш серышымат колтымо. Нунын енышт погынымаште лийыныт. Совещанийын лектышыже почеш Марий Элым вуйлатышын пашажым шуктышо Юрий Зайцев Кугу Памъялыште школым идалык мучаш марте ыштен шукташ кӱштен. Чоҥымаш министрлан пашам терген шогаш кӱштымӧ. Кызыт объектыште кум блокын пырдыжшым ыштыме, кок блокым эше чоҥат, кӧргӧ да тӱжвал инженер сеть пышталтеш, стадионым чоҥаш тӱналме.
             Фото: Марий Элым вуйлатышын организаций да аналитик виктемже.