Йошкар-Олаште тений 15 уремым да 15 кудывечым олмыктышаш улыт
Йошкар-Олаште тений 15 уремым да 15 кудывечым олмыктышаш улыт. Нине объектлаште корно пашаже сентябрь мучаш марте ямде лийшаш. Тыгай задачым Марий Элым вуйлатышын пашажым шуктышо Юрий Зайцев оперативный совещанийыште шынден. Транспорт министр Александр Герасименко увертарен: тений 15 меҥге кужытан 15 объект олмыктымо лиеш. Тӱҥалтышыште шым меҥгат пеле корным ышташ палемдыме ыле, но ешартыш окса толмылан кӧра спискым кугемдыме да 2023-шо ий гыч икмыняр объектым тенийлан кусарыме. Мутлан перечньыш Киров урем пурен. Молан манаш гын, тений у магистраль дене корно почылтшаш. Осипенко, Анциферов, Кремль, Лебедев, Гагарин, Бауман уремлаште пашам мучашлыме. Август мучаш марте Успенский ден Вашский уремла ямде лийшаш улыт. Тенийсе моло объектыштыже паша шыжым мучашлалтеш. 2023-шо ийлан планыште 12 объектым палемдыме, 9-ыже шотышто конкурс процедурым мучашлыме, подряд организацийым рашемдыме. У магистральым пашаш колтымо дене Луначарский уремымат тений вашкерак олмыкташ палемдыме.
Александр Герасименко кӱвар- влакым олмыктымо йодышешат шогалын. Тидын шотышто икымше ошкылым 2021-ше ийыште ыштыме. Тунам Санчурск корно тӱҥалтышыште Шоя эҥер гоч да Водопроводный уремыште Вараксин кӱварым олмыктымо. Кызыт тӱҥ кӱварыште паша кая. Тудым олмыкташ 140 миллион теҥгем колтымо. Пӱтынь пашаже 31-ше октябрьыште мучашлалтшаш, а кӱвар гоч транспорт икымше сентябрь марте кайышаш. 2023-шо 2024-ше ийлаште эше кум кӱварым олмыкташ палемдыме. Тиде Царьград проспект дене Вознесенский, Шернур трактыште Семёновка эҥер гоч да Транспортный уремыште Шоя эҥер гоч кувар- влак черетым вучат.
Урем- влакым олмыктымо дене пырля Юрий Зайцевын кӱштымыжӧ почеш оласе кудывечылаштат паша шукталтеш. Мэр Евгений Масловын мутшо почеш оласе тӱрлӧ кундемыште шым кугу кумдыкышто 15 кудывечыште паша кая. Икымше сентябрьлан нине пашам шукташ палемдыме. Юрий Зайцев чыла пашам жапыштыже да сай качестве дене шукташ кӱлеш манын. А лишыл жапыште кудывечылам олмыкташ ешартыш оксам ойырымо нерген йодышым ончымо лиеш.
Фото: Марий Элым вуйлатышын организаций да аналитик виктемже.
Александр Герасименко кӱвар- влакым олмыктымо йодышешат шогалын. Тидын шотышто икымше ошкылым 2021-ше ийыште ыштыме. Тунам Санчурск корно тӱҥалтышыште Шоя эҥер гоч да Водопроводный уремыште Вараксин кӱварым олмыктымо. Кызыт тӱҥ кӱварыште паша кая. Тудым олмыкташ 140 миллион теҥгем колтымо. Пӱтынь пашаже 31-ше октябрьыште мучашлалтшаш, а кӱвар гоч транспорт икымше сентябрь марте кайышаш. 2023-шо 2024-ше ийлаште эше кум кӱварым олмыкташ палемдыме. Тиде Царьград проспект дене Вознесенский, Шернур трактыште Семёновка эҥер гоч да Транспортный уремыште Шоя эҥер гоч кувар- влак черетым вучат.
Урем- влакым олмыктымо дене пырля Юрий Зайцевын кӱштымыжӧ почеш оласе кудывечылаштат паша шукталтеш. Мэр Евгений Масловын мутшо почеш оласе тӱрлӧ кундемыште шым кугу кумдыкышто 15 кудывечыште паша кая. Икымше сентябрьлан нине пашам шукташ палемдыме. Юрий Зайцев чыла пашам жапыштыже да сай качестве дене шукташ кӱлеш манын. А лишыл жапыште кудывечылам олмыкташ ешартыш оксам ойырымо нерген йодышым ончымо лиеш.
Фото: Марий Элым вуйлатышын организаций да аналитик виктемже.
