Йошкар-Олан кечыжым палемдыме ик тӱҥ мероприятий

            Йошкар-Оласе ужар пелмарафоныш элысе 31 ола гыч спортсмен- влак толшаш улыт. Олан кечыжым палемдыме годым 6-шо августышто кугу спорт событий эрта- 38-ше пелмарафон. Тушко элысе 11 субъектысе 31 ола гыч спортсмен- влак йодмашым колтеныт. Кок ий чарнен шогымо деч вара таҥасымаш икымше гана эрта. Старт тений Чарла Кремль деч пуалтеш. Трассын тӱҥ корныжо олан историй ужашыже- пурла сер могыр дене эрта. Участник- влак Вознесений, Пушкин, Комсомол, Кремль уремла, Чавайн бульвар да Воскресенский сер мучко вич меҥге кужытан оҥго семын куржталаш тӱҥалыт. Кум дистанций лиеш: визыт, лу да 21 меҥгат 100 метр. Тиддеч посна скандинав коштмаш дене вич меҥгыш старт пуалтеш. Йоча, куржталаш йӧратыше, уна- влаклан 800 метрыш, вич меҥгыш, лу меҥгыш да 21 меҥгат 100 метрыш куржаш темлат. Регистраций умбакыже шуйна.