Вашке финн-угор тӱнян 2021-ше ийысе тӱвыра рӱдывержым ойыраш тӱҥалыт

Вашке 17-ше июньышто финн-угор тӱнян 2021-ше ийысе тӱвыра рӱдывержым ойыраш тӱҥалыт. 15 гыч 17 шагат марте аудио да видеоконференцийым эртарыме  платформышто ЗУМ программым кучылтын претендент- влак шке презентацийыштым ончыктат. Тиде лӱм верч тений кок ял кучедалаш тӱҥалеш. Тиде- Эстоний гыч Абья-Палуоя ден Мордовий гыч Подлесная Тавла ял- влак. Презентаций- влакым тӱвыра рӱдывер-шамычын Фейсбук страницыштышт вияш эфирыште ончаш лиеш. Ушештарена: кок ий почела тиде лӱмым марий илем- влак нумалыныт. Морко районысо Унчо деч вара, тений тиде лӱм дене Пошкырт велысе Мишкан села ила.