Уста журналист- влакын лӱмышт пале лийын

Патриотизм шӱлышеш шуарыме теме дене пашам ыштыше республикысе эн сай журналист- влакын лӱмышт пале лийын. «Патриот России» Российысе конкурсын регионысо йыжыҥжым иктешлыме. «Мы Россияне» номинацийыште савыктыме эн сай цикллан «Шернур вел» газетын корреспондентше Алевтина Вшивцеван материалже- влак, мемнан марий радион корреспондентше Алевтина Кузнецован «Вес кундемыште илыше марий-влак нерген» передачыже- влакым эн сайлан шотлымо. Сеҥыше радамыш тыгак Килемар газет гыч Любовь Смирнован, «Марий Эл радио» гыч Владимир Матвеевын, «Ямде лий» газетын фотопроектше пуреныт. Кызыт нине паша- влакым «Патриот России» конкурсын федерал турышкыжо колтымо.