Тений республикыштына идалык тӱналтыш гыч сурт коклаште 180 пожар лийын
Тений республикыштына идалык тӱналтыш гыч сурт коклаште 180 пожар лийын.- увертара МЧС виктемын пресс-службыжо. Илыме пӧрт, полышкалыше пӧлем, озанлык оралте, монча, транспорт- влак йӱленыт. Тулеш 8 еҥын ӱмыржӧ кӱрылтын, лу еҥ эмганен. Статистикын ончыктымыжо почеш, траснпортышто тул пижмаш шагалемеш, тений 9 гана пижын, кодшо ийын тиде жаплан 13 гана йӱлен. Йӱлымын ик амалжылан электрооборудованийын ситыдымашыже да транспорт дене пайдаланыме правилым пудыртымаш шотлалтеш. Транспортышто вучыдымо ситуаций ынже лий манын, республикысе тул ваштареш кучедалше кугыжаныш служба виктем шке автомобильын пашам ыштымыжым терген шогаш темла.