Психоневрологий интернатын у корпусшо ончылгоч почылтеш
Психоневрологий интернатын у корпусшо ончылгоч почылтеш. «Демографий» калыкле проектын «Кугурак тукым» федерал проектше кышкарыште Красностекловар психоневрологий интернатын 100 еҥлан келыштарыме илыме корпусшо чоҥен шукталтеш. Кызыт тудо 87 утла процентлан ямде. Шукерте огыл тушко мебельым кондымо. Тудым да оборудованийым монтироватлаш тӱҥалме. Объект сентябрьыштак мучашлалтшаш, - увертара социал вияҥмаш министерствын пресс-службыжо.
