Александр Евстифеев тыгак посна тӱшка еҥ- влаклан яра эмым ситараш манын ешартыш шийвундым ойырен

Александр Евстифеев тыгак посна тӱшка еҥ- влаклан яра эмым ситараш манын ешартыш шийвундым ойырен. Правительствын распоряженийже почеш тазалыкаралтыш министерствылан республикысе бюджет гыч 32 миллионат 500 тӱжем теҥге оксам колтымо. Тушечын 25 миллионжо посна тӱшка еҥ- влалкан эмым да медицина изделийым яра пуашлан кая. Эше шым миллионат пелыже коронавирус черын шарлымыжым кораҥдаш, шижтараш да профилактикылан, тыгак лаборатрий тергымашым чарныде эртараш кучылталтшаш. Республикым вуйлатышын кӱштымыж почеш республикысе калыклан чот кӱлешан эмым ситарыме йодышым терген шогымо пашам пеҥгыдыракым ыштыме.