Урок- влак кокласе каныш могай лийшаш?

Вашке у тунемме ий тӱҥалеш. Роспотребнадзор виктем школышто урок- влак кокласе перемен шотышто гигиенический йодмаш- влакым ушештара. Каныш 10 минут ден шагал огыл огыл лийшаш, кокымшо але кумшо урок деч вара кугу перемен 20-30 минут. Ик кугу перемен олмеш 20 минут дене кок переменым ышташ лиеш. Канышым яндар южышто эртараш темлат. Тидын годым упражненийым ышташ гын, кугу канышым 45 минут марте шуяш лиеш. Тушечын 30 минутшо спорт площадкыште, спортзалыште але вес вере чолган тарванылаш ойыралтшаш. Смена- влак коклаште каныш 30 минут деч шагал огыл лийшаш. Тидын годым вӱдыжгӧ уборкым ыштыман, пӧлемлам южтарыман. Эпидемиологий лӱдыкшӧ улмо годым дезинфекцийлан 60 минут марте кугемдат. Нояш огыл манын да капкылым тура кучаш уроклаште физкультминутка да шинчалан гимнастике эртаралтшаш. Коронаинфекций шарлыме лӱдыкшӧ годым йоча- влакым иквереш чумыраш огыл манын, посна перемена график- влакым ыштыман.