Таче Россий кинон кечыже палемдалтеш
Таче Россий кинон кечыже палемдалтеш. Пайрем официальный статусым совет жапыште налын. Элын Верховный Советше Указым 1980-шо ийыште луктын. 1988-ше ийыште документым изиш тӧрлымеке, кинематографий шке шарнымашан кечыжым арален коден. Икымше кином Францийыште 1895-ше ийыште ончыктымо. Сандене тудым кинематографын тӱҥалтышыжылан шотлаш лиеш. Тидлан 125 ий эртен. Ик ий гыч руш режиссёр Владимир Ромашков Стенька Разин нерген «Понизовая вольница» шке фильмжым ончыктен. Тудо 8 минуташ лийын.
Российысе кинематографлан 112 ий темеш. Эн ончыч йӱкдымӧ немой кино- влак шочыныт. А 1931-ше ийыште икымше йӱкан «Путёвка в жизнь» кино лектын. Тушто марий рвезе Йыван Кырла модын. Тиддеч вара кинематограф кугу вияҥме корным эртен да кугу киноиндустрийыш савырнен. Мутлан, 1980-шо ийыште Марий Элыште 575 киноустановко пашам ыштен, 1990-шо ийыште- 497, 2009-ше ийыште- 21. 1980-шо ийыште билетын акше 10-30 ыр лийын гын, кызыт 180 гыч 250 теҥге марте. 80-шо ийыште кокла пашадарлан 30 ыр дене 493 билетым налаш лийын гын, кызыт 250 теҥге дене 120 билетым налаш лиеш. Тыге кинон акше шергештын. 2019-ше ийыште элысе кинотеатрлашке 219 миллион еҥ миен. Тидыже ик ий ончычсо деч 9 утла процентлан шукырак. Тидын дене 55 миллиард теҥге оксам ыштен налме.
Российысе кинематографлан 112 ий темеш. Эн ончыч йӱкдымӧ немой кино- влак шочыныт. А 1931-ше ийыште икымше йӱкан «Путёвка в жизнь» кино лектын. Тушто марий рвезе Йыван Кырла модын. Тиддеч вара кинематограф кугу вияҥме корным эртен да кугу киноиндустрийыш савырнен. Мутлан, 1980-шо ийыште Марий Элыште 575 киноустановко пашам ыштен, 1990-шо ийыште- 497, 2009-ше ийыште- 21. 1980-шо ийыште билетын акше 10-30 ыр лийын гын, кызыт 180 гыч 250 теҥге марте. 80-шо ийыште кокла пашадарлан 30 ыр дене 493 билетым налаш лийын гын, кызыт 250 теҥге дене 120 билетым налаш лиеш. Тыге кинон акше шергештын. 2019-ше ийыште элысе кинотеатрлашке 219 миллион еҥ миен. Тидыже ик ий ончычсо деч 9 утла процентлан шукырак. Тидын дене 55 миллиард теҥге оксам ыштен налме.
