Икшыван еш- влаклан полшаш оксам ойырымо
Республикыштына икшыван еш- влаклан полшаш 550 миллион теҥгем ойырымо. «Йоча шочмеке ешлан полышым пуымаш» регионысо проектым шыҥдарыме кышкарыште икымше августлан шотлымаште 550 миллион утла теҥгем колтымо. Социал вияҥмаш министерствын уверже почеш, икымше йочалан тылзе еда тӱлымӧ оксам ныл тӱжемат 190 еш налын, кумшо да утларак йоча шочмеке кум ийыш шумешкыже тылзе еда кум тӱжемат 886 ешлан пуымо, нылымше да утларак йоча шочмеке, полыш шотышто ава капиталым 103 еш налын.
