Российын сборныйыштыжо таҥасыше Людмила Лебедева Марий Элым вуйлатышын Тауштымашыже дене палемдалтын
Российын куштылго атлетике дене сборныйыштыжо таҥасыше Людмила Лебедева Марий Элым вуйлатышын Тауштымашыже дене палемдалтын. Республикын виян спортсменкыже, Российын тӱнямбал классан спорт мастерже Людмила Лебедевалан физический культура ден спортым вияҥдымашке пыштыме надыржылан Марий Элым вуйлатышын Тауштымашыжым увертарыме. Людмила 2007-ше ий годсек куштылго атлетике дене Российын сборный радамыштыже улеш, калыкле первенствылаште, тӱнямбал кугу стартлаште ятыр гана сеҥыше да призёр лийын.
