Тӱжемат 300 шуко пачеран пӧртым да бюджет тӧнеж-влак йӱштӧ жаплан ямде улыт
Тӱжемат 300 шуко пачеран пӧртым да бюджет тӧнеж-влакым шокшым ситарыше организаций приниматлен. Нуно йӱштӧ жаплан ямде улыт. Таче Марий Элым вуйлатыше Александр Евстифеев Россий Федерацийын регионым вияҥдыме шотышто Правительстве комиссий Президиумын заседанийыштыже участвоватлен. Тудым Россий Правительство вуйлатышын алмаштышыже Марат Хуснуллин эртарен. Погынымаште Российысе кундемлаште илыме вер да коммунал озанлыкын могайрак улмыжо, ЖКХ объект- влакым шыже- теле жаплан ямдылыме нерген ойлымо. Марий Элыште тиде йодышым Республикысе правительстве ден чоҥымаш министерстве эре контрольышто кучат. Таче кечылан кум тӱжем утла шуко пачеран пӧртым, 83 процент котельныйым, 88 процент теплосетьым, 94 процент вӱд пучым, 96 процент канализаций сетьым, 98 процент электросетьым ямдылыме. Комиссийын заседанийыштыже тыгак верлаште йӧнан оласе кумдыкым ыштыме нерген ойлымо. Марий Элыште тений 98 кумдыкым тӱзатышаш улыт. Тидлан 200 миллион теҥге ойыралтеш. Вес ийлан 93 кумдыкым палемдыме.
