Республикышкына грипп чер ваштареш йоча- влаклан икымше партий вакцине толын
Республикышкына грипп чер ваштареш йоча- влаклан икымше партий 40 тӱжем наре доза вакцине толын. Прививке кампаний йоча коллектив- влакым чумырымеке икымше сентябрь гыч тӱҥалеш. Профилактике прививкын калыкле календарьже кышкарыште иммунизацийым шкенан элыште ыштыме лӱдыкшыдымӧ да лектышан вакцине дене ыштат. Тудын составышкыже Тӱнямбал тазалыкаралтыш организацийым темлыме грипп вирусын штаммже пурен. Тений эше Российыште ончыч коштдымо штаммым ешарыме. Роспотребнадзорын экспертше- влакын мутышт почеш тений шыжым вакцинаций моткоч кӱлешан. Молан манаш гын, ик жапыштак гриппынат, коронавирусынат инфекцийышт коштын кертеш. Марий Элыште 410 тӱжем еҥым прививке дене авалташ падемдыме. Тушечын 307 тӱжем утла кугыеҥым да 98 тӱжем утла йочам.
