Марий Элыште ешартыш шинчымашым пуышо йоча тӧнежлаште кум тӱжем утла у верым ыштат

Марий Элыште ешартыш шинчымашым пуышо йоча тӧнежлаште кум тӱжем утла у верым ыштат. Российын просвещений министерствыже «Кажне йочан сеҥымашыже» федерал проект кышкарыште йочалан ешартыш шинчымашым пуымо системым чолган вияҥда. 2024-ше ийлан 5 гыч 18 ияш марте 80 процент йоча тӱрлӧ кружок ден секцийыш коштшаш. Республикыштына тиде проект 2019-ше ий годсек шыҥдаралтеш. 45 туныктымо тӧнежыште кум тӱжемат 72 у верым почмо лиеш. Вер- влакым куд корно дене ыштат. Тиде- физкультура да спорт, естественно-научный, турист-краевед, техник, хужожественный да социально-педагогический. Программе кышкарыште икмыняр муниципалитет у оборудованийымат, «Робототехнике», «Лӱдыкшыдымылык школ», «Киностудий», «Школ лесничестве» программе дене туныктымо средствымат налын. Нунын коклаште компьютер, фрезер, лазер, гравироватлыме станок, турист пашалан, сӱретлаш  оборудований. Икымше сентябрь гыч кум тӱжем утла йоча шонымашыжым шуктен, йӧратыме пашаж дене тӱрлӧ кружок ден секцийыш коштын кертеш.