Кугарнян – Российын кечыже

Шушаш кугарнян элна мучко тӱшка калыкле пайрем – Российын кечыже палемдалтеш. Тиде кечын ятыр мероприятий лийшаш. Нунын кокла гыч иктыже- Йошкар-Ола мучко Российын триколоржо дене автомобиль колоннын эртымыже. Тудо уремлашке 11 шагатлан лектеш. Шагат жапыште автомобиль- влак Ленин проспект, Первомай да Йошкар Армий уремла, 9-ше микрорайон, Ленин лӱмеш тӱвыра полат воктеч эртат да эҥер вес серышкыла каят. Кечываллан тарваныме верыш, «Марий Эл» Арена» манеж деке пӧртылыт. 12 шагатлан ола уремлаште Российын гимнже йоҥгалтеш.