Кочкыш сатум ыштен лукшо- влакым Москосо ярмингаш ӱжыт
Моско ола кундемыште идалык мучко пашам ыштыше регион- влак кокласе ярминга- влак лийыт. Рӱдӧ оласе калыклан да нунын унаштлан сай качестван, тутло кочкыш сатум да ял озанлык продукцийым ситараш манын, идалык мучко регион- влак кокласе ярминга- влак пашам ыштат. Тушко элысе 40 регион гыч да Евразий экономик ушемысе элла гыч тӱжем дене фермер да амалкалче- влак сатуштым кондат. Марий Элысе ял озанлык да кочкыш сату Министерстве тиде ярмингаш сатум лукшо- влакым колтымо шотышто кугу пашам эртара. Кызыт Москошто регион- влак кокласе 28 ярминга пашам ышта. Москон правительствыже ярмингалан чыла ужалкалыме оборудованийым кужу жаплан яра пуа. Тений эше 13 ярмингам почаш палемдыме. Ярмингаш ушнымо шотышто йодыш дене ял озанлык министерствыш йыҥгыртыман. Номерже: 45-39-91.