Йошкар-Оласе уремла гыч 82 тонн лавырам кораҥдыме

Йошкар-Ола администрацийын ола озанлык виктемже олам эрыктыме шыжымсе месячникын ик арняш пашажым иктешлен. Тушто палемдыме: тротуар, бульвар, сквер- влакын 312 тӱжем квадрат метр кумдыкыштым лавыра деч эрыктыме. Корно воктелсе газон гыч 18 тонн утла шӱк-куштырам, урем корно гыч ошма ден шӱкшакым 82 тонным поген налме, ятыр кумдык гыч кукшо лышташым ӱштын чумырымо. Виктарыше организаций- влакын вийышт дене 342 кудывечым яндарым ыштыме, а «Сигнал» предприятий нине кудывечылашке пурымо корным эрыктен. Эрла да 4-ше октябрьыште тӱшка субботник- влак лийшаш улыт.