Йошкар-Олаште илыше пӧръеҥ Интернетыште модшыла кок миллион утла теҥге оксам йомдарен

Йошкар-Олаште илыше пӧръеҥ Интернетысе биржыште модшыла кок миллион утла теҥге оксам модын колтен. 43 ияш поръеҥ интернетыште модмо биржым муын да оксам ыштен налаш шонен пыштен. Ик гана модын налме оксажым луктын кертын. Тиддеч вара умбакыже модаш шонен. Тудын телефонышкыжо модышым эртарыше еҥ йыҥгыртен да оксам личный счётшо гыч колташ темлен.  Тидлан процентым тӱлаш йодыныт. Пӧръеҥ келшен. Кок тылзе жапыште тудо ондалкалыше- влак дене мутланен да эре процентым колтылын. А палемдыме жапыште тудлан логалшаш оксам налын кертын огыл. Вара гына полицийыш увертарен. Уголовный пашам тарватыме. Пӧръеҥлан кок миллинат 200 тӱжем теҥге эҥгек ышталтын.