Марий шанчыеҥ финн-угор премийым налеш

Эстонийысе туныктыш да шанче министерствын тукым калык- влак программыжын советше социал-гуманитар аланыште  урал калык- влакын ойыртемалтше еҥже- влаклан 2019-ше ийлан премийым пуаш пунчалын. Премийым налше- влак кокла гыч иктыже- Марий Эл гыч шанчыеҥ улеш. Урал йылме тӱшкаш пурышо шанче шымлымаш категорийыште Виталий Михайлов «Калык ойпого- калык чон поянлык» книгажлан премий дене палемдалтын. Кок ужаш гыч шогышо Монографий марий калыкын устный калык усталыкше нерген каласкала. Икымше ужашыште марий фольклор, тудын теорийже да практикыже, календарь пале- влак нерген каласкалалтеш, марий фольклорын чыла жанрже лончылалтеш. Кокымшо ужашыште марий фольклорын образецше- влак ончыкталтыт. Книга школышто туныктышо, студент, библиотеке пашаеҥ, фольлор коллектив- влаклан полшык материал семын кучылталт кертеш. Шанче аланыште премий шымше гана пуалтеш. Премийын кугытшо ик тӱжемат 250 евро лиеш, - ойлалтеш тукым калык программын пресс-релизыштыже.