Ял озанлык пашаеҥ- влак кодшо ийысе деч шукырак пырчым поген налаш шонат

             Республикысе аграрий- влак кодшо ий дене таҥастарымаште ик тичмашат 6 луаш гана шукырак пырчым поген налаш шонат. Тидын нерген ял озанлык министрын пашажым шуктышо Андрей Кондратенко Марий Элым вуйлатше Юрий Зайцевын эртарыме правительствын заседанийыштыже ойлен. Ведомствым вуйлатыше палемден: тений 152 тӱжем гектар гыч пырчан, пырчан да отызан культурым поген налман. Тидыже кодшо ийысе деч вич тӱжем гектарлан шукырак. Тыгак технический культурым 15 тӱжем егктар гыч, тудат ныл тӱжем гектарлан шукырак, пареҥгым кок тӱжемат 800 гектар гыч, саскам тӱжемат 700 гектар гыч поген налман. Нуно кодшо ийысе деч 350 да 170 гектарлан шукырак улыт. Кызыт озанлыклаште 139 тӱжем гектар гыч пырчым шийын налме, але план деч 93 процентым. Пырчын кокла лектышыже ик гектар гыч 28 центнер. Тудым 389 тӱжем тонным погымо. Тиде сай показатель. Тыгайже пытартыш ийлаште лийын огыл. Тыгай лектышыш ӱяҥдышым кучылтмылан, органике дене пайдаланымылан, сай урлыкашым ӱдымылан кӧра шумо. Кормам шапашлыме, кокияшым планын 95 процентшым ӱдымӧ.
             Фото: Марий Элым вуйлатышын организаций да аналитик виктемже.