Йошкар-Олаште тошто шиным налме пункт почылтеш
Йошкар-Олаште 30-шо сентябрьыште тошто шиным налме пункт почылтеш. Шӱк -куштырам погымо да пытарыме йодыш айдеме тукымын ик эн пӱсын шогышо проблемыже. Мемнан элыште тиде йодышым виктарымашке Правительстве «Экологий» калыкле проектын «Пеҥгыде шӱк- куштыра дене пашам ыштыме комплексный системе» федерал проектым шыҥдарыме дене ушнен. Тидын годымак шӱкшакым ойыркален погымо йодыш шукталтеш. Марий Элыште тиде йоышлан пӱртӱс поянлык министерстве вуйын шога. Тудлан мер организаций да чолга еҥ- влак полшат. 30-шо сентябрь гыч Рӱдӧ ола кумдыкышто «ОКО Марий Эл» мер ушем пайдаланыме автошиным погышо чарныде пашам ыштыше пунктым почеш. Тудо кажне кугарнян да шуматкечын 13 гыч 15 шагат марте почмо лиеш. Тудын адресше: Прохоров урем, 33-шо пӧрт- икымше ПАТП-н кумдыкшо, Строитель урем могыр гыч тӱҥ капкашке пурыман. Кеч- могай ару автошиным оксам тӱлыде налыт. социал тӧнежла да районла гыч кондаш машинам пуэн кертыт. Чыла йодышым 8 964 861 99 72 номеран телефон дене рашемдаш лиеш.
