Моско областьыште «Шӧртньӧ шыже» Российысе агропромышленный выставке эртаралтеш

           Моско областьыште 5-ше гыч 8-ше октябрь марте «Шӧртньӧ шыже» Российысе агропромышленный выставке эртаралтеш. Тудын программыштыже Марий Элым вуйлатыше Юрий Зайцев участвоватлаш ямдылалтеш.Тиде ончер элнан тӱҥ аграрный форумжылан шотлалтеш. Тудын деловой программыже радамыште отраслевой конкурс- влак лийыт. Тиде- кӱкшӧ качестван кочкыш сатум лукмаш, урлык да сатулык вольык озанлыкым вияҥдымаште кӱкшӧ лектышыш шумаш, кушкыл продукцийым ончен- куштымаште кӱкшӧ лектышыш шумаш да мландын шочыктен кертше вийжым кугемдымаш, ял озанлыкыш инновацийым сайын шыҥдарымаш да молат. Республикысе ял озанлык министерствын ончыктымыжо почеш, Марий Эл тӱшка экспозицийым ямдыла. Тушто экологически яндар кочкыш продукций, «Марий Элыште ыштыме» сату знак, агропромышленный предприятий- влакын эн сай проектышт ончыкталтеш. Юрий Зайцевын вуйлатыме Марий Элын делегацийже выставкын мероприятийлаштыже чолган участвоватла, а предприятий ден организаций- влак отраслысе конкурслаште шкеныштым ончыктат.