Пасу пашаеҥ- влак сай лектышан шурным поген налыныт
Республикысе аграрий- влак пырчан культурын рекордный лектышыжым налыныт. Республикысе АПК-м вияҥдыме шотышто кӱкшӧ акым Угарман область ден Марий Эл шотышто Россельхознадзор виктемым вуйлатыше Владимир Макарычев Марий Элым вуйлатышын пашажым шуктышо Юрий Зайцев дене вашлиймаште пуэн. Нуно республикын ял озанлык да кочкыш сату шотышто лӱдыкшыдымылыкшым ыштыме шотышто регионысо кучем ден ведомство коклаште вашкыл шотышто корно- влакым каҥашеныт.
Юрий Зайцевын мутшо почеш ял озандык республикысе экономикыште ик эн тӱҥ верым налеш, бюджетын парыш ужашыжым пойдарымашке кугу надырым пышта.
Владимир Макарычев палемден: ме ял озанлык да перерабатыватлыше промышленность пашаеҥ- влакын кечышт вашеш ял озанлык идалыкын лектышыжым иктешлена. Марий Элысе мланде пашаеҥ- влак тиде жапым пеш сай лектыш дене вашлийыт. Республикыште рекордный урожайым налме, шӧр озанлыкыштат сай лектыш коеш. Ял озанлыкым вияҥдымаш ончыл верыште улеш, экспорт куатлан кугу тӱткыш ойыралтеш. Саска продукций дене Курык марий районышто сай кластер ышталтеш. Но биологий лӱдыкшыдымылык шотышто каҥашышаш йодыш- влак улыт. Тиде африкан чума чер нерген ойлалтеш. Регионышто сӧсна шылым ыштен налме кок кугу предприятий уло. Мутат уке, нунын нылымше степенян аралтышышт уло. Но ир сӧсна- влак тораште огытыл, нуно кундемла коклаште кусныл коштыт. Сандене ветеринар службын паша шотышто моментше-влакым рашемдыман. Тудат чума черын пытартыш гана республикыште шарлымыже годым пеш чаплын пашам шуктен,- рашемден Владимир Макарычев.
Вашлийше-влак ӱшаным каласеныт: Россельхознадзор виктем ден республикын правительствыже умбакыжат вашкылым вияҥдаш тӱналыт.
Фото: Марий Элым вуйлатышын организаций да аналитик виктемже.
Юрий Зайцевын мутшо почеш ял озандык республикысе экономикыште ик эн тӱҥ верым налеш, бюджетын парыш ужашыжым пойдарымашке кугу надырым пышта.
Владимир Макарычев палемден: ме ял озанлык да перерабатыватлыше промышленность пашаеҥ- влакын кечышт вашеш ял озанлык идалыкын лектышыжым иктешлена. Марий Элысе мланде пашаеҥ- влак тиде жапым пеш сай лектыш дене вашлийыт. Республикыште рекордный урожайым налме, шӧр озанлыкыштат сай лектыш коеш. Ял озанлыкым вияҥдымаш ончыл верыште улеш, экспорт куатлан кугу тӱткыш ойыралтеш. Саска продукций дене Курык марий районышто сай кластер ышталтеш. Но биологий лӱдыкшыдымылык шотышто каҥашышаш йодыш- влак улыт. Тиде африкан чума чер нерген ойлалтеш. Регионышто сӧсна шылым ыштен налме кок кугу предприятий уло. Мутат уке, нунын нылымше степенян аралтышышт уло. Но ир сӧсна- влак тораште огытыл, нуно кундемла коклаште кусныл коштыт. Сандене ветеринар службын паша шотышто моментше-влакым рашемдыман. Тудат чума черын пытартыш гана республикыште шарлымыже годым пеш чаплын пашам шуктен,- рашемден Владимир Макарычев.
Вашлийше-влак ӱшаным каласеныт: Россельхознадзор виктем ден республикын правительствыже умбакыжат вашкылым вияҥдаш тӱналыт.
Фото: Марий Элым вуйлатышын организаций да аналитик виктемже.